font-size: 17px;"> ଦକ୍ଷିଣ ଆଫ୍ରିକା 5 ୱିକେଟରେ ଅଷ୍ଟ୍ରେଲିଆକୁ ପରାସ୍ତ କରି ICC ବିଶ୍ୱ ଟେଷ୍ଟ ଚାମ୍ପିଅନସିପ୍ 2023-25 ଟାଇଟଲ୍ ଜିତିଛି । ଇଂଲଣ୍ଡ ଲର୍ଡସ୍ରେ ଖେଳାଯାଇଥିବା ଟାଇଟଲ୍ ମ୍ୟାଚ୍ରେ ଦକ୍ଷିଣ ଆଫ୍ରିକା ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଅଷ୍ଟ୍ରେଲିଆ ପ୍ରଥମ ଇନିଂସରେ 212 ରନ୍ କରିଥିଲା । ଜବାବରେ, ଦକ୍ଷିଣ ଆଫ୍ରିକାର ପ୍ରଥମ ଇନିଂସରେ 138 ରନ୍ରେ ସମସ୍ତ ଓ୍ବିକେଟ ପତନ ଘଟିଥିଲା ।
ପ୍ରଥମ ଇନିଂସ ଆଧାରରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକା ଉପରେ 74 ରନ୍ର ଅଗ୍ରଣୀ ନେଇଥିଲା । ଦ୍ୱିତୀୟ ଇନିଂସରେ ଅଷ୍ଟ୍ରେଲିଆ 207 ରନ୍ କରିଥିଲା ଏବଂ ଦକ୍ଷିଣ ଆଫ୍ରିକାକୁ 282 ରନ୍ର ଟାର୍ଗେଟ ଦେଇଥିଲା । ଆଫ୍ରିକୀୟ ଦଳ 5 ୱିକେଟ୍ ହରାଇ ଏହି ଲକ୍ଷ୍ୟ ହାସଲ କରିଥିଲା ଏବଂ 27 ବର୍ଷ ପରେ ଦ୍ୱିତୀୟ ICC ଟାଇଟଲ୍ ଜିତିଛି । ପୂର୍ବରୁ ଦକ୍ଷିଣ ଆଫ୍ରିକା ୧୯୯୮ ମସିହାରେ ପ୍ରଥମ ICC ଟ୍ରଫି ଜିତିଥିଲା ।
WTC ଫାଇନାଲରେ ଦକ୍ଷିଣ ଆଫ୍ରିକା ପାଇଁ ବିଜୟର ନାୟକ ଥିଲେ ଏଡେନ୍ ମାକ୍ରମ ଏବଂ କାଗିସୋ ରାବାଡା । ମାକ୍ରମ ତାଙ୍କ ଦଳକୁ ବିଜୟ ଦେବା ପାଇଁ ଏକ ଚମତ୍କାର ଶତକୀୟ ଇନିଂସ ଖେଳିଥିଲେ । ରାବାଡା ସର୍ବାଧିକ ୱିକେଟ୍ ନେଇ ଦଳକୁ ବିଜୟୀ କରାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଦଳ ପାଇଁ ଅଧିନାୟକ ଟେମ୍ବା ବଭୁମା ମଧ୍ୟ ଚମତ୍କାର ପ୍ରଦର୍ଶନ କରିଥିଲେ ।