ସମ୍ବଲପୁର - ଜ୍ୟେଷ୍ଠ ମାସ ଶୁକ୍ଳପକ୍ଷ ଷଷ୍ଠୀ ତିଥିରେ ଶିବାଳୟ ବେଢ଼ାରେ ଦେବ ଦେବ ମହାଦେବ ଓ ଜଗଜ୍ଜନନୀ ମାତା ପାର୍ବତୀ ସୁନା ଓ ରୂପା ଅଳଙ୍କାର ତଥା ନାନା କିସମର ପୁଷ୍ପରେ ସଜ୍ଜିତ ହୋଇ ସ୍ୱତନ୍ତ୍ର ରଥରେ ନଗର ପରିକ୍ରମା ପାଇଁ ଶୀତଳଷଷ୍ଠୀ ଯାତ୍ରାରେ ବାହାରିଥିଲେ । ଏହି ଉପଲକ୍ଷେ ମନ୍ଦିର ଦ୍ୱାରରେ ସ୍ୱତନ୍ତ୍ର ଆରତୀ ଆୟୋଜନ ହୋଇଥିଲା । ସୋମବାର ସପ୍ତମୀ ତିଥି ଅପରାହ୍ଣରେ ଶୁଭ ଲଗ୍ନରେ ଶ୍ରଦ୍ଧାଳୁଙ୍କୁ ଯୁଗଳଦର୍ଶନ ଦେବା ପରେ ଦେବଦମ୍ପତି ପାଶ୍ୱର୍ ଦେବାଦେବୀଙ୍କ ସହ ରୀତିନୀତି ମ୍ମରେ ମନ୍ଦିର ବିଜେ କରିବେ । ଶିବ ଓ ଶକ୍ତିିଙ୍କ ମିଳନରେ ଧରାପୃଷ୍ଠ ଶାନ୍ତ, ସ୍ନିଗ୍ଧ ଓ ଶୀତଳ ହୁଏ ବୋଲି ଭକ୍ତମାନଙ୍କ ବିଶ୍ୱାସ ରହିଛି । ଶହ ଶହ ବର୍ଷର ସମ୍ବଲପୁର ଇତିହାସରେ ଆ୍ମାମିôକ ଓ ସଂସ୍କୃତିର ମିଳନରେ ଗାମ୍ଭୀର୍ଯ୍ୟ ସହିତ ଉତ୍ସବର ବାତାବରଣ ଏଥର ମଧ୍ୟ ଶୀତଳଷଷ୍ଠୀକୁ ସରସ ସୁନ୍ଦର କରିଛି । ସୂଚନାଯୋଗ୍ୟ ଯେ, ରବିବାର ବ୍ରହ୍ମମୁହୂର୍ତ୍ତରେ ଦେବଦେବ ମହାଦେବ ଏବଂ ମାତା ପାର୍ବତୀଙ୍କ ବିବାହ ଲୌକିକ ରୀତିନୀତିରେ ସମ୍ପନ୍ନ ହେବା ପରେ ଆଜି ସନ୍ଧ୍ୟାରେ ଦେବଦମ୍ପତି ବିବାହ ମଣ୍ଡପରୁ ସ୍ୱ ସ୍ୱ ମନ୍ଦିର ବେଢ଼ାକୁ ପ୍ରତ୍ୟାବର୍ତ୍ତନ କରିଥିଲେ ।
ଭାରତବର୍ଷର ଦ୍ୱିତୀୟ ବୃହତ୍ତମ ଶୋଭାଯାତ୍ରା ତଥା ବିଶ୍ୱପ୍ରସିଦ୍ଧ ସମ୍ବଲପୁର ଶୀତଳଷଷ୍ଠୀରେ ଚଳିତ ବର୍ଷ ମୁଖ୍ୟ ତିନୋଟି ପଡ଼ା ଓ ଅନ୍ୟ କମିଟିର ମୁଖ୍ୟ ଶେ ।ଭାଯାତ୍ରାରେ ପ୍ରାୟ ୧୦ ହଜାର କଳାକାର ଭାଗ ନେଇଛନ୍ତି । ପଶ୍ଚିମ ଓଡ଼ିଶାର ଐତିହ୍ୟ, ସଂସ୍କୃତି, ପରଂପରା, ଲୋକଗୀତ ଓ ଲୋକନୃତ୍ୟର ପ୍ରଚାର ପ୍ରସାର ଓ ସୁରକ୍ଷା ଶୀତଳଷଷ୍ଠୀ ଯାତ୍ରାର ମୁଖ୍ୟ ଉଦ୍ଦେଶ୍ୟ ରହିଛି । ଏଥି ସହିତ କୋଲକାତା, ଉଜ୍ଜେନ୍, ରାୟପୁର, ଗୌହାଟୀ, କଟକ, ଭୁବନେଶ୍ୱର, କେରଳ, ମୁମ୍ବାଇ, ଭୋପାଳର ଦଳମାନେ ଏଥର ଶୀତଳଷଷ୍ଠୀ ଶୋଭାଯାତ୍ରାରେ ସାମିଲ ହେବା ପାଇଁ ଆସିଛନ୍ତି । ଯାତ୍ରା ବାହାରୁଥିବା ବିଭିନ୍ନ ପଡ଼ାର ଛକରେ ସ୍ୱତନ୍ତ୍ର ଆତସବାଜୀର କାର୍ଯ୍ୟକ୍ରମ କରାଯାଇଥିଲା । ଏଥର ଯାତ୍ରାରେ ଦୁଲ୍ଦୁଲି ପଞ୍ଚବାଦ୍ୟ ସର୍ମ୍ପଦା, ସଂକୀର୍ତ୍ତନ, ଶଂଖ, ଘଣ୍ଟ, ଗଉଡ଼ ବାଡ଼ି, ପାଇକ ଆଖଡ଼ା, ଘୁମୁରା, କଣ୍ଢେଇ ନାଚ, ଘୋଡ଼ାନାଚ, କରମା ନାଚ ଆଦି ପାରମ୍ପାରିକ ଲୋକକଳାକାରମାନେ ଅଂଶଗ୍ରହଣ କରୁଥିବା ବେଳେ ଆଧୁନିକ ରେକର୍ଡ ଡେନ୍ସ ମ୍ମ ସ୍ଥାନ ପାଇଛି । ପଶ୍ଚିମଓଡ଼ିଶାର ପ୍ରାୟ ସମସ୍ତ ଜିଲ୍ଲାର କଳାକାରମାନେ ଭିନ୍ନ ଭିନ୍ନ କିସମର ଲୋକ ସାଂସ୍କୃତିକ କାର୍ଯ୍ୟକ୍ରମ ଶୀତଳଷଷ୍ଠୀ ଶୋଭାଯାତ୍ରାରେ ସାମିଲ ହୋଇଛନ୍ତି । ଏଥର ଇଲୋକ୍ଟ୍ରୋନିକ୍ସ ଲାଇଟ୍ ଓ ଆତସବାଜୀ ସହିତ ଭାରତର ବିଭିନ୍ନ କ୍ଷେପଣାସ୍ତ୍ର, ଟେଙ୍କ, ଏବଂ ପ୍ରାସଙ୍ଗିକ କଥାବସ୍ତୁକୁ ନେଇ କଳାକୁଞ୍ଜ ସ୍ଥାନ ପାଇଥିଲା ।
ଚଳିତ ବର୍ଷ ନନ୍ଦପଡ଼ାର ବାଲୁଙ୍କେଶ୍ୱର ଏବଂ ପାର୍ବତୀଙ୍କ ମେଢ଼ରେ ଦେଢ଼ କ୍ୱିଣ୍ଟାଲ ଓଜନର ରୂପା ନିର୍ମିତ ପରଭା ଶୋଭା ପାଉଛି । ପୂର୍ବରୁ ୧ କିଲୋ ୧୮ ଗ୍ରାମ ବା ୧୦୦ ତୋଳା ଓଜନର ସ୍ୱର୍ଣ୍ଣାଭୂଷଣ (ସୁନାର ଚାଉଁର) ତିଆରି କରାଯାଇଛି । ସେହିପରି ଦେବଦମ୍ପତି ଭଗବାନ ଶିବ ଓ ଭଗବତୀ ପାର୍ବତୀଙ୍କ ବାହନଦ୍ୱୟ ନନ୍ଦି ବୃଷଭ ଓ ସିଂହଙ୍କୁ ସାଢ଼େ ଚାରି ଲକ୍ଷ ଟଙ୍କା