Posted at: Mar 13, 2025
Share:
ସୋମେଶ ରଣବିଜୁଳି OJS ଟପ୍ପର, ପୁରୁଷଙ୍କୁ ଟପିଲେ ମହିଳା
କଟକ: ଓଡ଼ିଶା ଜୁଡିସିଆଲ ସର୍ଭିସ ୨୦୨୩ ପରୀକ୍ଷା ଫଳ ପ୍ରକାଶିତ । ୩୩ ଜଣ ପରୀକ୍ଷାର୍ଥୀ ଯୋଗ୍ୟ ବିବେଚିତ । ୩୩ ଜଣଙ୍କ ମଧ୍ୟରେ ଅଛନ୍ତି ୨୪ ଜଣ ମହିଳା । ରାଜ୍ୟରେ ସିଭିଲ ଜଜ ଭାବେ ନିଯୁକ୍ତି ହେବେ ଏହି ୩୩ ଜଣ । କୃତକାର୍ଯ୍ୟ ୩୩ ଜଣଙ୍କ ନାମ ସୁପାରିଶ କଲା ଓପିଏସସି । ଓଡିଶା ଲୋକସେବା ଆୟୋଗ କରୁଥିଲା ଏହି ପରୀକ୍ଷା । ସୋମେଶ ରଣବିଜୁଳି ଏହି କମ୍ପିଟେଟିଭ ପରୀକ୍ଷାର ଟପ୍ପର ।
ଶେଷ ପର୍ଯ୍ୟାୟ ଚୟନ ପ୍ରକ୍ରିୟାରେ ସାମିଲ ହୋଇଥିବା ପରୀକ୍ଷାର୍ଥୀ
ଖୋର୍ଦ୍ଧା ବେଗୁନିଆ ବାସିନ୍ଦା ଟପ୍ପର ସୋମେଶ ରଣବିଜୁଳି କହିଛନ୍ତି, "ମୁଁ ମୋର ସମସ୍ତ ସଫଳତାର ଶ୍ରେୟ ପ୍ରଥମେ ମୋ ପିତା ମାତା ଏବଂ ଭଗବାନଙ୍କୁ ଦେବି । ମୁଁ ଜଣେ ସରକାରୀ ଚାକିରିଆ (ଖଣ୍ଡପଡା ଅତିରିକ୍ତ ତହସିଲଦାର) ଭାବେ କାର୍ଯ୍ୟରତ ହୋଇଥିବାରୁ ମୋ ପାଇଁ ଏହାର ପ୍ରସ୍ତୁତି ଅତ୍ୟନ୍ତ କଠିନ ଥିଲା । ସମସ୍ତଙ୍କ ଆଶୀର୍ବାଦ ପାଇଁ ମୁଁ ଆଜି ଏଠାରେ ପହଞ୍ଚିପାରିଛି । ମୁଁ ବହୁତ ଖୁସି ଆଛି । ଆଗରୁ ଅନେକ ଥର ସ୍ୱଳ୍ପ ନମ୍ବର ପାଇଁ କଟିଯାଇଥିଲି । ତେବେ ଆଜିର ରେଜଲ୍ଟ ଦେଖିଲା ପରେ ଭଗବାନଙ୍କୁ ଧନ୍ୟବାଦ ଅର୍ପଣ କରିବି ।"
0 Comments