କାଠମାଣ୍ଡୁ: ନେପାଳରେ ଦୁଇ ଦଶନ୍ଧି ମଧ୍ୟରେ ସବୁଠାରୁ ଭୟଙ୍କର ହିଂସାରେ 19 ଜଣଙ୍କ ମୃତ୍ୟୁ ହେବାର କିଛି ମୁହୂର୍ତ୍ତ ପରେ, ସୋମବାର ସନ୍ଧ୍ୟାରେ ଦେଶର ଗୃହମନ୍ତ୍ରୀ ରମେଶ ଲେଖକ ତାଙ୍କ ପଦରୁ ଇସ୍ତଫା ଦେଇଛନ୍ତି। ରିପୋର୍ଟ ଅନୁଯାୟୀ, ଲେଖକ ଆଜି ଏଠାରେ ଏକ ଜରୁରୀକାଳୀନ କ୍ୟାବିନେଟ୍ ବୈଠକ ସମୟରେ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କୁ ତାଙ୍କ ଇସ୍ତଫାପତ୍ର ପ୍ରଦାନ କରିଛନ୍ତି। ରିପୋର୍ଟ ଅନୁଯାୟୀ, ନେପାଳୀ କଂଗ୍ରେସ ବୈଠକରେ ଗୃହମନ୍ତ୍ରୀ ସ୍ପଷ୍ଟ କରିଛନ୍ତି ଯେ, ସେ ନୈତିକତା ଦୃଷ୍ଟିରୁ ପଦରୁ ଇସ୍ତଫା ଦେଉଛନ୍ତି।
Sans_fba9a0, __Noto_Sans_Fallback_fba9a0; font-size: 17px;">ଦୁଇ ଦଶନ୍ଧି ମଧ୍ୟରେ ସବୁଠାରୁ ରକ୍ତାକ୍ତ ଦିନ ପରେ ଗୃହମନ୍ତ୍ରୀଙ୍କ ଇସ୍ତଫା ଆସିଛି, ଯେଉଁଥିରେ ଦୁର୍ନୀତି ଏବଂ ସୋସିଆଲ ମିଡିଆ ପ୍ରତିବନ୍ଧକ ବିରୋଧ ପ୍ରତିବାଦରେ ସମଗ୍ର ନେପାଳରେ ଅତି କମରେ 19 ଜଣଙ୍କ ଜୀବନ ଯାଇଛି। ଦେଶବ୍ୟାପୀ ପ୍ରତିବାଦ ଫଳରେ କେବଳ କାଠମାଣ୍ଡୁରେ 17 ଜଣଙ୍କ ମୃତ୍ୟୁ ଘଟିଥିବା ବେଳେ ସୁନସାରି ଜିଲ୍ଲାର ଇଟାହାରୀ ସହରରେ ଦୁଇ ଜଣଙ୍କର ମୃତ୍ୟୁ ହୋଇଛି।
ହିଂସାତ୍ମକ ବିରୋଧ ପ୍ରଦର୍ଶନ ଯୋଗୁଁ କାଠମାଣ୍ଡୁର ବିଭିନ୍ନ ସ୍ଥାନରେ ଓ ଅନ୍ୟାନ୍ୟ ଜିଲ୍ଲାଗୁଡ଼ିକରେ କର୍ଫ୍ୟୁ ଜାରି କରାଯାଇଛି। କାଠମାଣ୍ଡୁରେ ସମାନ ପ୍ରତିବାଦ ପରେ କାଠମାଣ୍ଡୁରୁ ପ୍ରାୟ 270 କିଲୋମିଟର ଦୂରରେ ଅବସ୍ଥିତ ରୂପଣ୍ଡେହି ଜିଲ୍ଲା ପ୍ରଶାସନ କାର୍ଯ୍ୟାଳୟ ସୋମବାର ଅପରାହ୍ନ 4ଟାରୁ ରାତି 10ଟା ପର୍ଯ୍ୟନ୍ତ ବୁଟୱାଲ ଏବଂ ଭୈରହାୱାରେ କର୍ଫ୍ୟୁ ଜାରି କରାଯାଇଛି।
ନେପାଳରେ ଦୁର୍ନୀତି ଏବଂ ସୋସିଆଲ ମିଡିଆ ପ୍ରତିବନ୍ଧକ ବିରୋଧରେ ଯୁବ ପିଢ଼ି ରାସ୍ତାକୁ ଓହ୍ଲାଇଛନ୍ତି। ସୋମବାର ଦିନ ବିକ୍ଷୋଭକାରୀମାନେ କାଠମାଣ୍ଡୁର ନ୍ୟୁ ବାନେଶ୍ୱରରେ ଅବସ୍ଥିତ ସଂଘୀୟ ସଂସଦରେ ଧସେଇ ପଶି ପୋଲିସ ବ୍ୟାରିକେଡ୍ ଭାଙ୍ଗି ସଂସଦ ମଧ୍ୟକୁ ପ୍ରବେଶ କରିଥିଲେ। ଯୁବପିଢ଼ିଙ୍କ ଏହି ଆନ୍ଦୋଳନକୁ Gen-Z ପ୍ରୋଟେଷ୍ଟ୍ ନାମ ଦିଆଯାଇଛି। ଏହି ପ୍ରତିବାଦ ସମୟରେ 19 ଜଣଙ୍କ ମୃତ୍ୟୁ ଘଟିିଥିବା ବେଳେ 250 ଜଣ ଆହତ ହୋଇଛନ୍ତି।
ରିପୋର୍ଟ ଅନୁଯାୟୀ, Gen-Z ପ୍ରଦର୍ଶନକାରୀମାନେ ପୂର୍ବରୁ ଶାନ୍ତି ବଜାୟ ରଖିବାକୁ ସଂକଳ୍ପ ନେଇଥିଲେ, କିନ୍ତୁ ପୋଲିସ ସେମାନଙ୍କୁ ଘଉଡ଼ାଇବା ପାଇଁ ଲୁହ ବୁହା ଗ୍ୟାସ୍ ଏବଂ ୱାଟର କାନନ୍ ବ୍ୟବହାର କରିଥିଲା। ଏହା ପରିସ୍ଥିତିକୁ ଆହୁରି ଖରାପ କରିଥିଲା। ଯାହାପରେ କାଠମାଣ୍ଡୁ ଜିଲ୍ଲା ପ୍ରଶାସନ ସୋମବାର ଦିନ 12ଟା 30ରୁ ରାତି 10ଟା ପର୍ଯ୍ୟନ୍ତ ବାନେଶ୍ୱର ଆଖପାଖର ପ୍ରମୁଖ ଅଞ୍ଚଳରେ କର୍ଫ୍ୟୁ ଜାରି କରିଥିଲା। ମୁଖ୍ୟ ଜିଲ୍ଲା ଅଧିକାରୀ ଛବି ଲାଲ ରିଜାଲ ନୋଟିସରେ କହିଛନ୍ତି ଯେ, "ନିଷିଦ୍ଧାଞ୍ଚଳରେ ଲୋକଙ୍କ ଗତିବିଧି, ପ୍ରଦର୍ଶନ, ସଭା, ସମାବେଶ କିମ୍ବା ଧାରଣାକୁ ଅନୁମତି ଦିଆଯିବ ନାହିଁ।"