ଶ୍ରୀହରିକୋଟା (ଆନ୍ଧ୍ରପ୍ରଦେଶ): ଭାରତୀୟ ମହାକାଶ ଗବେଷଣା ସଂସ୍ଥା (ISRO) ଭାରତୀୟ ନୌସେନାର ଯୋଗାଯୋଗ ଉପଗ୍ରହ GSAT 7R (CMS-03) ଉତକ୍ଷେପଣ କରିଛି। ସ୍ୱଦେଶୀ ଜ୍ଞାନ କୌଶଳରେ ନିର୍ମି
ଉପଗ୍ରହ ଭାରତର ଏପର୍ଯ୍ୟନ୍ତର ସବୁଠାରୁ ଭାରୀ ଯୋଗାଯୋଗ ଉପଗ୍ରହ, ଯାହାର ଓଜନ ପ୍ରାୟ 4,400 କିଲୋଗ୍ରାମ ରହିଛି।
ଆନ୍ଧ୍ରପ୍ରଦେଶର ଶ୍ରୀହରିକୋଟାରେ ଥିବା ସତୀଶ ଧାୱନ ମହାକାଶ କେନ୍ଦ୍ରର ଦ୍ୱିତୀୟ ଲଞ୍ଚ ପ୍ୟାଡ୍ ରୁ ସନ୍ଧ୍ୟା 5:26ରେ ଏହି ଉତକ୍ଷେପଣ କରାଯାଇଥିଲା।
ଏହି ଉପଗ୍ରହ ଭାରତୀୟ ନୌସେନାର କାର୍ଯ୍ୟକ୍ଷମ ଆବଶ୍ୟକତା ପୂରଣ କରିବା ପାଇଁ ସ୍ୱତନ୍ତ୍ର ଭାବେ ବିକଶିତ ସ୍ୱଦେଶୀ ଜ୍ଞାନ କୌଶଳ, ଅତ୍ୟାଧୁନିକ ଉପାଦାନ ସହିତ ନୌସେନାର ମହାକାଶ-ଆଧାରିତ ଯୋଗାଯୋଗ ଏବଂ ସାମୁଦ୍ରିକ ଡୋମେନ୍ ସଚେତନତା କ୍ଷମତାକୁ ବୃଦ୍ଧି କରିବ।
ଭାରତୀୟ ନୌସେନା କହିଛି, "ଏହି ଉପଗ୍ରହ ଭାରତର ସବୁଠାରୁ ଭାରୀ ଯୋଗାଯୋଗ ଉପଗ୍ରହ, ଯାହାର ଓଜନ 4,400 କିଲୋଗ୍ରାମରୁ ଅଧିକ ଏବଂ ଏଥିରେ ଭାରତୀୟ ନୌସେନାର କାର୍ଯ୍ୟକ୍ଷମ ଆବଶ୍ୟକତା ପୂରଣ କରିବା ପାଇଁ ବିଶେଷ ଭାବେ ବିକଶିତ ଅନେକ ସ୍ୱଦେଶୀ ଅତ୍ୟାଧୁନିକ ଉପାଦାନ ଅନ୍ତର୍ଭୁକ୍ତ।"
ISRO ଅନୁଯାୟୀ, CMS-03 ଏକ ମଲ୍ଟି-ବ୍ୟାଣ୍ଡ ଯୋଗାଯୋଗ ଉପଗ୍ରହ ଯାହା ଭାରତୀୟ ସ୍ଥଳଭାଗ ସମେତ ଏକ ବିସ୍ତୃତ ସମୁଦ୍ର ଅଞ୍ଚଳରେ ସେବା ପ୍ରଦାନ କରିବ। ଏହି ଉପଗ୍ରହକୁ ପ୍ରସିଦ୍ଧ LVM3 ପ୍ରକ୍ଷେପଣ ଯାନ ଦ୍ୱାରା ଉତକ୍ଷେପଣ କରାଯାଇଥିଲା, ଯାହା ଚନ୍ଦ୍ରୟନ-3 ମିଶନର ଅଂଶ ଭାବେ ଭାରତକୁ ଚନ୍ଦ୍ରର ଦକ୍ଷିଣ ମେରୁରେ ସଫଳତାର ସହ ଅବତରଣ କରିଥିଲା। ଏହା ଯାନର ପଞ୍ଚମ ସଫଳ ଉତକ୍ଷେପଣ ହେବ।