କେନ୍ଦୁଝର:କେନ୍ଦୁଝରଗଡ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଉତ୍କଳ ଦିବସ ପାଳିତ ହୋଇଯାଇଛି । ଏହି ଅବସରରେ ବିଦ୍ୟାଳୟରେ ସ୍ଥାପିତ ମହାପୁରୁଷଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ଶିଶୁମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ଅବସରରେ ମୁଖ୍ୟବକ୍ତା ଭାବରେ ବିଦ୍ୟାଳୟ ବରିଷ୍ଠ ଆଚାର୍ଯ୍ୟ ଦୟାନିଧ ରାଉତ ଉପସ୍ଥିତ ଥିଲେ ।
ଏହା ପରେ ପରେ ବିଦ୍ୟାରମ୍ଭ ଯଜ୍ଞ ଅନୁଷ୍ଠିତ ହୋଇଥିଲା । ଗାୟତ୍ରୀ ପରିବାରର ପ୍ରବଚିକା କଳ୍ପନା ତ୍ରିପାଠୀ ଓ ସହଯୋଗୀ ମାନଙ୍କ ଦ୍
ାରା ଯଜ୍ଞ କାର୍ଯ୍ୟ କରାଯାଇଥିଲା । ଏଥିରେ ୧ମ ଶ୍ରେଣୀରୁ ୧୦ ଶ୍ରେଣୀର ୮୫୬ ଶିଶୁ ତଥା ସେମାନଙ୍କର ଅଭିଭାବକ ଉପସ୍ଥିତ ଥିଲେ । ଏହି ଅବସରରେ ପରିଚାଳନା ସମିତିର ସଂପାଦକ ସୁଧାଂଶୁ ଶେଖର ପଣ୍ଡା, ସହ ସଂପାଦକ ଦୀପକ କୁମାର ମହାକୁଳ, କୋଷାଧ୍ୟକ୍ଷ ବିଜୟ କୁମାର ଦୀକ୍ଷିତ ଓ ପ୍ରଧାନାଚାର୍ଯ୍ୟ ଅଲେଖ ମହାନ୍ତ ଉପସ୍ଥିତ ଥିଲେ । ଆସନ୍ତା କାଲି ଶିଶୁବାଟିକା ଶ୍ରେଣୀର ବିଦ୍ୟାରମ୍ଭ ଯଜ୍ଞ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ବିଦ୍ୟାଳୟରେ ସମସ୍ତ ଗୁରୁଜୀ ଗୁରୁମା, ସେବକସେବିକା ମାନେ ଉପସ୍ଥିତ ରହି ସହଯୋଗ କରିଥିଲେ ।