ଭୁବନେଶ୍ୱର: ସମ୍ବଲପୁରୀ ତଥା କୋଶଳୀ ଭାଷାକୁ ଦ୍ୱିତୀୟ ରାଜଭାଷା ମାନ୍ୟତା ଦାବି କଲେ ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ । କହିଲେ, ସମ୍ବଲପୁରୀ ଭାଷା, କୋଶଳୀ ଭାଷାକୁ ମାନ୍ୟତା ଦିଅନ୍ତୁ ସରକାର । "ଗତକାଲି ଓଡିଶା ଦିବସ ମହାସମାରୋହରେ ପାଳନ କରିଛୁ । ଗୋଟିଏ ଅଂଚଳରେ ଆତ୍ମା ହେଉଛି ଭାଷା । ପରିଚୟ ହେଉଛି ଭୂଷଣ । ଓଡ଼ିଶାର ଦେଢ଼ କୋଟ
ରୁ ଅଧିକ ଲୋକ ପ୍ରାୟ 11ଟି ଜିଲ୍ଲାର ଲୋକ ସେ ଭାଷାରେ କଥାବାର୍ତ୍ତା ହୁଅନ୍ତି । କିଏ ସମ୍ବଲପୁରି ଭାଷା କୁହେ, କିଏ କୋଶଳ ଭାଷା କୁହେଁ । ସେ ଭାଷାକୁ ରାଜ୍ୟ ସରକାର ସ୍ୱୀକୃତି ଦିଅନ୍ତୁ ।
ସମ୍ବଲପୁରୀ କୋଶଳୀ ଭାଷାରେ ରାମାୟଣ, ମହାଭାରତ, ନାଟକ, କ୍ଷୁଦ୍ର ଗଳ୍ପ ଲେଖା ଯାଇସାରିଲାଣି।ସହ ସହ କବିତା ପୁସ୍ତକ ଲେଖାଯାଉଛି । ସେ ଭାଷାରେ ନିଜସ୍ୱ ଅଭିଧାନ ବା dictonary ଅଛି।ସତ୍ୟନାରାୟଣ ବହୀଦାର, ହଳଧର ନାଗ ବ୍ୟାକରଣ ଜନିତ ଉଦ୍ରୁତ କରି ସେ ଭାଷାରେ ବହି ଲେଖିଛନ୍ତି।ସେ ଭାଷାର ସଙ୍ଗୀତ ଓଡିଶା, ଦେଶ ଅତିକ୍ରମ କରିଛି । ରଙ୍ଗବତୀ ଗୀତ ଆଜି ସୁଦୂର ପ୍ରସାରୀ । ଏହାର ଜନ୍ମଦାତା 3 ଜଣଙ୍କୁ ପଦ୍ମଶ୍ରୀ ପୁରସ୍କାର ମିଳିଛି । ହିନ୍ଦୀ ଭାଷାର ଲିପି ହେଉଛି ଦେବ ନଗରୀ । ପଶ୍ଚିମ ଓଡିଶାର ଭାଷାକୁ ସମ୍ବିଧାନର ଅଷ୍ଟମ ପରିଛେଦରେ ସ୍ଥାନିତ କରାଯାଉ ।
ଓଡ଼ିଶାର ରାଜ୍ୟଭାଷା ହେଉଛି ଓଡିଶା । ରାଜ୍ୟ ସରକାର ସମ୍ବିଧାନର ଧାରା 345 ଆଧାରରେ legislator of the state ଓଡ଼ିଆ ବ୍ୟତୀତ ରାଜ୍ୟ ସରକାର ଆଉ ଏକ ଭାଷାକୁ ଦ୍ୱିତୀୟ ରାଜ୍ୟଭାଷା ଭାବେ ଗ୍ରହଣ କରିପାରିବେ । ପୂର୍ବ ପାକିସ୍ତାନ ଏବଂ ପଶ୍ଚିମ ପାକିସ୍ତାନ ଭାଷା ମଧ୍ୟରେ ବିବାଦ ଉପୁଜିବାରୁ ଆଉ ଏକ ଦେଶ ବାଂଲାଦେଶ ସୃଷ୍ଟି ହୋଇଥିଲା," କହିଛନ୍ତି ପ୍ରସନ୍ନ ଆଚାର୍ଯ୍ୟ ।
ସୂଚନା ଥାଉ କି, 1936 ମସିହାରେ ପ୍ରଥମ ଭାଷା ଭିତ୍ତିକ ରାଜ୍ୟ ଭାବେ ଗଠନ ହୋଇଥିଲା ସ୍ୱତନ୍ତ୍ର ଉତ୍କଳ ପ୍ରଦେଶ । ଓଡ଼ିଆ ଭାଷା ହେଉଛି ଉତ୍କଳ ପ୍ରଦେଶ ର ରାଜ୍ୟଭାଷା । ପଶ୍ଚିମ ଓଡିଶାରେ ସ୍ୱତନ୍ତ୍ର ହାଇକୋର୍ଟ ବେଞ୍ଚ ପ୍ରତିଷ୍ଠା ନେଇ ଦୀର୍ଘ ବର୍ଷ ହେବ ଦାବି ହୋଇଆସିଥିବା ବେଳେ ପଶ୍ଚିମ ଓଡିଶାବାସୀଙ୍କ ପକ୍ଷରୁ କୋଶଳୀ ଭାଷାକୁ ମାନ୍ୟତା ଦାବି ହୋଇ ଆସୁଛି ।