ଭୁବନେଶ୍ବର: ପ୍ରତି ପଞ୍ଚାୟତରେ ହେବ ପୋଷଣ କେନ୍ଦ୍ର । ପ୍ରତ୍ୟେକ ପଞ୍ଚାୟତରେ ଗୋଟିଏ ଲେଖାଏଁ ପୋଷଣ କେନ୍ଦ୍ର ହେବ । ମଧ୍ୟବିତ୍ତ ପରିବାର ସବସିଡି ଦରରେ ଚାଉଳ ଗହମ ଚିନି ପାଇବେ । ଆଜି ବିଧାନସଭାରେ ବିବୃତି ରଖିଛନ୍ତି ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।
ପ୍ରତ୍ୟେକ ପଞ୍ଚାୟତରେ ଗୋଟିଏ ଲେଖାଏଁ ପୋଷଣ କେନ୍ଦ୍ର ହେବ । ମଧ୍ୟବିତ୍ତ ପରିବାର ସବସିଡି ଦରରେ ଚାଉଳ ଗହମ ଚିନି ପାଇବେ । ଏନେ
ଗୃହରେ ବିବୃତି ରଖିଛନ୍ତି ବିଭାଗୀୟ ମନ୍ତ୍ରୀ ।
ପୋଷଣ ଯୋଜନା ଏକ ପାଇଲଟ ପ୍ରକଳ୍ପ ଭାବେ ଆରମ୍ଭ କରିଛନ୍ତି କେନ୍ଦ୍ର ସରକାର । ସାଧାରଣ ଖାଉଟି ହିତାଧିକାରୀ ମାନଙ୍କୁ ସବସିଡି ଦରରେ ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ଯୋଗାଇ ଦେବା । ଏଫପିଏସ ବା Fair price shop ଯେଉଁଠି ରିହାତି ମୂଲ୍ୟରେ ଗୁଣାତ୍ମକ ମାନର ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ଯୋଗାଇ ଦେଉଛନ୍ତି କେନ୍ଦ୍ର ସରକାର । ଏହି ପୋଷଣ କାର୍ଯ୍ୟକ୍ରମ ୨୦୨୪ ଅଗଷ୍ଟ ୨୦ରେ ଆରମ୍ଭ ହୋଇଥିଲା । ଦେଶରେ ପ୍ରାୟ 60ଟି fair price shopରେ ଏହି ଯୋଜନା ଆରମ୍ଭ ହୋଇଥିଲା । ପୋଷଣ କେନ୍ଦ୍ରରେ ରିହାତି ଦରରେ ଚାଉଳ,ଚିନି ,ଗହମ ମିଳେ । ଆଗକୁ ପ୍ରତି ପଞ୍ଚାୟତରେ ହେବ ପୋଷଣ କେନ୍ଦ୍ର।
ଗତବର୍ଷ ଅପେକ୍ଷା ୧୬ ଲକ୍ଷ ମେଟ୍ରିକ ଅଧିକ ଧାନ କିଣିଛନ୍ତି ସରକାର । ଚଳିତ ବର୍ଷ ୭୪ ଲକ୍ଷ ମେଟ୍ରିକ ଟନ ଧାନ କିଣିଛନ୍ତି ସରକାର । ପ୍ରତ୍ୟେକ ବର୍ଷ ୨୬ ଲକ୍ଷ ମେଟ୍ରିକ ଟନ ଚାଉଳ ଏଫସିଆଇ(ଫୁଡ଼ କର୍ପୋରେସନ ଅଫ ଇଣ୍ଡିଆ) ନିଏ । ଏଥର କିନ୍ତୁ ରାଜ୍ୟ ସରକାରଙ୍କ ଅନୁରୋଧ କ୍ରମେ ଆଉ ଅଧିକ ୨୦ ଲକ୍ଷ ମେଟ୍ରିକ ଟନ ଧାନ ଉଠାଇବାକୁ କେନ୍ଦ୍ର ସରକାର ରାଜି ହୋଇଛନ୍ତି । ଅର୍ଥାତ ଚଳିତ ବର୍ଷ ୪୬ ଲକ୍ଷ ମେଟ୍ରିକ ଟନ ଚାଉଳ ନେବ ଫୁଡ଼ କର୍ପୋରେସନ ଅଫ ଇଣ୍ଡିଆ । ତା ପରେ ବି ୧୫ଲକ୍ଷ ମେଟ୍ରିକ ଟନ ଚାଉଳ ବଳକା ରହୁଛି। ୧୦ ଲକ୍ଷ ମେଟ୍ରିକ ଟନ ଚାଉଳ ରଖିବାକୁ ସରକାର ଗୋଦାମ କରୁଛନ୍ତି, ଏଥି ପାଇଁ ଟେଣ୍ଡର ସରିଛି । ବଳକା ଚାଉଳକୁ ମଧ୍ୟ ଫ୍ରି ସେଲ କରିବାକୁ ବ୍ୟବସ୍ଥା କରାଯାଉଛି । ଗୃହରେ ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ ।
ମନ୍ତ୍ରୀ ଆହୁରି କହିଛନ୍ତି, ଆମେ ଦିଲ୍ଲୀ ଯିବୁ ଗହମ ଆଣିବୁ । କେନ୍ଦ୍ର ସରକାରଙ୍କୁ ଅନୁରୋଧ କରିବୁ,ସେ ଗହମ ଦେବେ । ଏହାର ମୂଲ୍ୟ ନିର୍ଦ୍ଧାରଣ କରାଯାଉଛି । ପୂର୍ବ ସରକାର ଓଡିଶାକୁ ଗହମ ନଦେଇ ଚାଉଳ ଦେବାକୁ କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ଆମ ସରକାର ହେବା ପରେ ମୁଁ ଦିଲ୍ଲୀ ଯାଇ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହ୍ବାନଙ୍କୁ ଭେଟି ଓଡିଶାକୁ ଗହମ ଦେବାକୁ ଆଲୋଚନା କରିଥିଲି,ସେ ପ୍ରତିଶ୍ରୁତି ଦେଇଛନ୍ତି ଓଡ଼ିଆକୁ ଗହମ ଦେବାକୁ । ଗହମ ଆସିଲେ ଆବଣ୍ଟନ କରିବେ ସରକାର ।