ଭୁବନେଶ୍ବର: ସାମ୍ବାଦିକ ସମ୍ମିଳନୀ କରି ରାଜା ଚକ୍ରଙ୍କ ଓକିଲଙ୍କ ଅଭିଯୋଗକୁ ଖଣ୍ଡନ କରିଛି ବିଜେପି। ‘‘ଏହି ଅଭିଯୋଗ ସମ୍ପୂର୍ଣ୍ଣ ମିଥ୍ୟା। ଏଥି ପାଇଁ କ୍ଷମା ପ୍ରାର୍ଥନା କରିବାକୁ ଦାବି କରିଛି ଦଳ। ଓଡିଶା ବାର ଆସୋସିଏସନର ସଭାପତି ସୀତାଂଶୁ ଦ୍ବିବେଦୀଙ୍କ ମନ୍ତବ୍ୟ ସମ୍ପୂର୍ଣ୍ଣ ମିଥ୍ୟା। ନିଜ କ୍ଲାଇଣ୍ଟକୁ ସୁରକ୍ଷା ଦେବା ପାଇଁ ଉଦ୍ଦିଷ୍ଟ। ଆମେ ଆଶା କରୁଛୁ ଗଣ ମାଧ୍ୟମ ଅନ୍ତତଃ ସତ କଥା ଉପସ୍ଥାପନ କରିଥାନ୍ତେ। କେବଳ ମତ ଉପସ୍ଥାପନ କରିବାର ଦାୟିତ୍ୱ ନେଲେ। ବିଜେପି ରାଜ୍ୟ ସଭାପତି ଏବଂ ବିଜେପି ଛବି ନଷ୍ଟ କରିବାକୁ ଯେଉଁ କାମ କରିଛନ୍ତି ତାହା କ୍ଷମଣୀୟ ନୁହେଁ ବୋଲି ଅଭିଯୋଗ କରିଛନ୍ତି ବିଜେପି ମୁଖପାତ୍ର ସଜ୍ଜନ ଶର୍ମା’’ ।
ସେ ଆହୁରି ମଧ୍ୟ କହିଛନ୍ତି ଯେ ‘‘ଭିନ୍ନ ସୂତ୍ରରୁ ଖବର ସତ୍ୟାସତ୍ୟ ଯାଞ୍ଚ କରିବା ଆବଶ୍ୟକ ଥିଲା। ଓଡିଶା ବାର ସଭାପତି ଭାବେ ସୀତାଂଶୁ ଏହି କାର୍ଯ୍ୟ କରିଛନ୍ତି ନା ଅଭିଯୁକ୍ତଙ୍କ ଓ଼କିଲ ଭାବେ ଏମିତି କହିଛନ୍ତି। ବାର କାଉନସିଲ ସଭାପତିଙ୍କ ଠାରୁ ଏହା ଆଶା କରେ ନାହିଁ। ପୁରା ଆଇନଜୀବୀ ସମାଜର ଛବିକୁ ପ୍ରଭାବିତ କରିଛନ୍ତି। ଆଶା କରୁଛୁ ସେ ଯେଉଁ ତ୍ରୁଟି କରିଛନ୍ତି ସେ କ୍ଷମା ଭିକ୍ଷା କରନ୍ତୁ। ଖବର ପ୍ରକାଶ କରିଥିବା ସଂସ୍ଥା ମଧ୍ୟ କ୍ଷମା ପ୍ରାର୍ଥନା କରନ୍ତୁ’’ ବୋଲି କହିଛନ୍ତି ବିଜେପି ମୁଖ୍ୟ ମୁଖପା
୍ର ସଜ୍ଜନ ଶର୍ମା।
ଓକିଲ ଓ ଗଣମାଧ୍ୟମ ସତ୍ୟ ପାଇଁ ଲଢନ୍ତି। ଆଜି ଦୁଇଟି ଖବରକାଗଜରେ ପ୍ରକାଶିତ ବାର କାଉନସିଲ ସଭାପତି ସୀତାଂଶୁ ଦ୍ବିବେଦୀ ରାଜା ଚକ୍ର ପାଇଁ ମାମଲା ଲଢ଼ିଛନ୍ତି। ବାର କାଉନସିଲର ସଭାପତି ଭାବରେ ଏ କାର୍ଯ୍ୟ କରିଛନ୍ତି ନା ରାଜା ଚକ୍ରର ଓକିଲ ଭାବେ ଏ କାମ କରୁଛନ୍ତି। ଗଣମାଧ୍ୟମ ଏ ଖବର ପ୍ରକାଶ କରିବା ପୁର୍ବରୁ ଏହାର ସତ୍ୟାସତ୍ୟ ଯାଞ୍ଚ କରିବାର ଆବଶ୍ୟକତା ରହିଛି ବୋଲି କହିଛନ୍ତି ବିଜେପି ମୁଖ୍ୟ ମୁଖପାତ୍ର ସଜ୍ଜନ ଶର୍ମା।
ବୁଧବାର ଇଓଡବ୍ଲୁର ଦୁଇଜଣିଆ ଟିମ୍ କୋଇଡ଼ାର ବିଭିନ୍ନ ଖଣି ଓ ପରିବହନ ସଂସ୍ଥାକୁ ଯାଇ ପଚରାଉଚରା କରୁଥିଲେ। ରାଜା ଚକ୍ରଙ୍କ ବେନାମୀ ସମ୍ପତ୍ତିର ଖୋଳତାଡ଼ ଜାରି ରଖିଛି ଇଓଡବ୍ଲୁ। ଅନ୍ୟପଟେ ରାଜା ଚକ୍ର କଳା ସାମ୍ରାଜ୍ୟ ଲିଙ୍କରେ ବହୁ ବଡ଼ବଡ଼ ଅଧିକାରୀ, ନେତା, ଟ୍ରାନ୍ସପୋର୍ଟର ରହିଥିବା କୋଇଡ଼ା ଅଞ୍ଚଳରେ ଆଲୋଚନା ହେଉଛି ।
ସୂଚନାଯୋଗ୍ୟ ଯେ, ରାଜା ଚକ୍ରଙ୍କ ବେନାମୀ କାରବାରକୁ ନେଇ ଇଓଡବ୍ଲୁ ପକ୍ଷରୁ ଭୁବନେଶ୍ୱରରେ ଫେବ୍ରୁଆରି ୭ ରେ କେସ୍ ନମ୍ବର ୩ରେ ଭାରତୀୟ ନ୍ୟାୟ ସଂହିତା ଧାରା ୪୦୬, ୪୦୯, ୪୨୦, ୪୬୭, ୪୭୧ ଓ ୧୨୦ ବି ଅନୁଯାୟୀ ମାମଲା ରୁଜୁ ହୋଇଥିଲା। ରାଜ୍ୟର ୧୦ଟି ସ୍ଥାନରେ ଚଢ଼ଉ କରାଯାଇଥିଲା।