ନୂଆଦିଲ୍ଲୀ: ଅପରେସନ ସିନ୍ଦୂର ମାଧ୍ୟମରେ ପାକିସ୍ତାନକୁ ଉଚିତ ଜବାବ ଦିଆଯାଇଛି। ଏହି କଥା କହିଛି, ଭାରତୀୟ ବୈଦେଶିକ ବ୍ୟାପାର ମନ୍ତ୍ରଣାଳୟ। ମନ୍ତ୍ରଣାଳୟ ଏହା ମଧ୍ୟ ସ୍ପଷ୍ଟ କରିଛି ଯେ, ପାକିସ୍ତାନ ସହିତ କେବଳ ପିଓକେକୁ ଫେରାଇ ନେବା ଉପରେ ଆଲୋଚନା କରାଯିବ। ବିଚାରାଧୀନ ମାମଲା ହେଉଛି, ପାକିସ୍ତାନ ଦ୍ୱାରା ଅବୈଧ ଭାବେ ଅଧିକୃ
ତ ଭାରତୀୟ ଅଞ୍ଚଳକୁ ଖାଲି କରିବା।
ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୈସୱାଲ କହିଛନ୍ତି, "ଆମର ଦୀର୍ଘଦିନର ଜାତୀୟ ସ୍ଥିତି ହେଉଛି ଯେ କେନ୍ଦ୍ର ଶାସିତ ଅଞ୍ଚଳ ଜମ୍ମୁ ଏବଂ କାଶ୍ମୀର ସହିତ ଜଡ଼ିତ ଯେକୌଣସି ପ୍ରସଙ୍ଗ ଭାରତ ଏବଂ ପାକିସ୍ତାନ ଦ୍ୱାରା ଦ୍ୱିପାକ୍ଷିକ ଭାବେ ସମାଧାନ କରାଯିବା ଉଚିତ। ଏହି ନୀତିରେ କୌଣସି ପରିବର୍ତ୍ତନ ହୋଇନାହିଁ। ବିଚାରାଧୀନ ମାମଲା ହେଉଛି, ପାକିସ୍ତାନ ଦ୍ୱାରା ଅବୈଧ ଭାବେ ଅଧିକୃତ ଭାରତୀୟ ଅଞ୍ଚଳକୁ ଖାଲି କରିବା।"
ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୈସୱାଲ ମଙ୍ଗଳବାର ଦିନ କହିଛନ୍ତି ଯେ, ଯେପର୍ଯ୍ୟନ୍ତ ପାକିସ୍ତାନ ବିଶ୍ୱସନୀୟ ଏବଂ ଅପରିବର୍ତ୍ତନୀୟ ଭାବେ ସୀମାପାର ଆତଙ୍କବାଦକୁ ସମର୍ଥନ ନଛାଡ଼ିଛି, ସେପର୍ଯ୍ୟନ୍ତ ଭାରତ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବ।
ଜୈସୱାଲ କହିଛନ୍ତି, "ସିନ୍ଧୁ ଜଳ ଚୁକ୍ତିନାମାର ପ୍ରସ୍ତାବନାରେ ଉଲ୍ଲେଖ କରାଯାଇଥିବା ସଦ୍ଭାବନା ଏବଂ ବନ୍ଧୁତାର ମନୋଭାବରେ ସମାପ୍ତ ହୋଇଥିଲା। କିନ୍ତୁ, ପାକିସ୍ତାନ ଦଶନ୍ଧି ଧରି ସୀମାପାର ଆତଙ୍କବାଦକୁ ପ୍ରୋତ୍ସାହିତ କରି ଏହି ନୀତିଗୁଡ଼ିକୁ ଉଲ୍ଲଂଘନ କରିଆସୁଛି।"
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ବାଣିଜ୍ୟ ସମ୍ପର୍କରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ କହିଛନ୍ତି, "ମେ 7 ତାରିଖରେ ଅପରେସନ ସିନ୍ଦୂର ଆରମ୍ଭ ହେବାଠାରୁ ମେ 10 ତାରିଖରେ ଗୁଳି ବିନିମୟ ଏବଂ ସାମରିକ କାର୍ଯ୍ୟାନୁଷ୍ଠାନ ବନ୍ଦ କରିବା ପାଇଁ ଚୁକ୍ତି ହେବା ପର୍ଯ୍ୟନ୍ତ, ଭାରତ ଏବଂ ଆମେରିକୀୟ ନେତାମାନଙ୍କ ମଧ୍ୟରେ ଉଦୀୟମାନ ସାମରିକ ପରିସ୍ଥିତି ଉପରେ ଆଲୋଚନା ହୋଇଥିଲା। ଏହି ଆଲୋଚନାରେ ବାଣିଜ୍ୟ ପ୍ରସଙ୍ଗ ଉଠି ନଥିଲା।"