ନୂଆଦିଲ୍ଲୀ: 'ଅପରେସନ୍ ସିନ୍ଦୂର' ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ତ୍ତମାନ ଦେଶବାସୀଙ୍କୁ ସମ୍ବୋଧିତ କରୁଛନ୍ତି। ଏହି ଅବସରରେ ମୋଦି, ଅପରେସନ ସିନ୍ଦୂରର ସଫଳତା ପାଇଁ ସେନା ବାହିନୀ ଓ ବୈଜ୍ଞାନିକଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ କହିଥିଲେ, "ଆମେ ସମସ୍ତେ ଗତ କିଛି ଦିନ ମଧ୍ୟରେ ଦେଶର କ୍ଷମତା ଏବଂ ଧୈର୍ଯ୍ୟ ଦେଖିଛୁ। ମୁଁ ସଶସ୍ତ୍ର ବାହିନୀ, ସାମରିକ ବାହିନୀ, ଗୁପ୍ତଚର ସଂସ୍ଥା ଏବଂ ବୈଜ୍ଞାନିକମାନଙ୍କୁ ସାଲ୍ୟୁଟ୍ କରୁଛି।"
ପ୍ରଧାନମନ୍ତ୍ରୀ ମୋଦି ପହଲଗାମ ଆତଙ୍କବାଦୀ ଆକ୍ରମଣର କଥା ଉଲ୍ଲେଖ କରିଥିଲେ। ସେ କହିଛନ୍ତି ଯେ, ପରିବାର ସଦସ୍ୟଙ୍କ ସମ୍ମୁଖରେ ନିଜ ଧର୍ମ ବିଷୟରେ ପଚାରିବା ପରେ ହତ୍ୟା କରିବା ଆତଙ୍କବାଦର ଭୟଙ୍କର ଚେହେରା ଥିଲା। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଏହି ଆତଙ୍କବାଦୀ ଆକ୍ରମଣ ତାଙ୍କୁ ବହୁତ ପୀଡ଼ା ଦେଇଛି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଆମେ ଆତଙ୍କବାଦୀଙ୍କୁ ନିପାତ କରିବା ପାଇଁ ଭାରତୀୟ ସେନାକୁ ସମ୍ପୂର୍ଣ୍ଣ ସ୍ୱାଧୀନତା ଦେଇଥିଲୁ। ଆଜି ପ୍ରତ୍ୟେକ ଆତଙ୍କବାଦୀ ସଂଗଠନ ଜାଣିପାରିଛନ୍ତି ଯେ ଆମର ମା' ଏବଂ ଭଉଣୀମାନଙ୍କ କପାଳରୁ ସିନ୍ଦୁର ପୋଛିବାର ପରିଣାମ କ'ଣ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଆତଙ୍କବାଦୀମାନେ ସ୍ୱପ୍ନରେ ମଧ୍ୟ ଭାବି ନଥିଲେ ଯେ ଭାରତ ଏତେ ବଡ଼ ନିଷ୍ପତ୍ତି ନେଇପାରିବ। କିନ୍ତୁ ଯେତେବେଳେ ଦେଶ ଏକତ୍ରିତ ହୁଏ, ଦୃଢ଼ ନିଷ୍ପତ୍ତି ନିଆଯାଇପାରିବ। ଫଳାଫଳ ଆଣିହେବ। ଯେତେବେଳେ ଭାରତର ଡ୍ରୋନ୍ ପାକିସ୍ତାନର ଏକ ଆଡ୍ଡା ଉପରେ ଆକ୍ରମଣ କଲା, ସେମାନଙ୍କର ସାହସ ଦୋହଲିଗଲା।
Sans_fba9a0, __Noto_Sans_Fallback_fba9a0; font-size: 20px;">ବିଶ୍ୱର ଯେକୌଣସି ସ୍ଥାନରେ ବଡ଼ ବଡ଼ ଆତଙ୍କବାଦୀ ଆକ୍ରମଣ ହୋଇଛି, ସେମାନଙ୍କର ଲିଙ୍କ ପାକିସ୍ତାନ ସହିତ ଜଡ଼ିତ ଅଛି। ଆତଙ୍କବାଦୀମାନେ ଆମର ଭଉଣୀମାନଙ୍କର ସିନ୍ଦୁର ପୋଛି ଦେଇଥିଲେ, ତେଣୁ ଭାରତ ସେମାନଙ୍କର ମୁଖ୍ୟାଳୟକୁ ଧ୍ୱଂସ କରିଦେଲା। ଭାରତ ୧୦୦ରୁ ଅଧିକ ଭୟଙ୍କର ଆତଙ୍କବାଦୀଙ୍କୁ ହତ୍ୟା କରିଛି।
ପ୍ରଧାନମନ୍ତ୍ରୀ ମୋଦି ପାକିସ୍ତାନ ଉପରେ ଆକ୍ରମଣ କରିବା ବିଷୟରେ କହିଥିଲେ। ସେ କହିଥିଲେ ଯେ, ପାକିସ୍ତାନ ଆମର ମନ୍ଦିର ଏବଂ ଗୁରୁଦ୍ୱାରଗୁଡ଼ିକୁ ଟାର୍ଗେଟ କରିଥିଲା। ଆମର ସାମରିକ ଘାଟିଗୁଡ଼ିକୁ ଟାର୍ଗେଟ କରାଯାଇଥିଲା। କିନ୍ତୁ, ଏଥିରେ ମଧ୍ୟ ପାକିସ୍ତାନର ପର୍ଦ୍ଦାଫାସ ହୋଇଥିଲା। ପାକିସ୍ତାନର ଡ୍ରୋନଗୁଡ଼ିକ ଖେଳଣା ପରି ବିଛାଡ଼ି ହୋଇଗଲା।
ଭାରତ ପ୍ରଥମ ତିନି ଦିନରେ ପାକିସ୍ତାନକୁ ଏତେ କ୍ଷତି ପହଞ୍ଚାଇଲା, ଯାହା ସେମାନେ କଳ୍ପନା ମଧ୍ୟ କରିନଥିଲେ। ତେଣୁ, ଭାରତର ଆକ୍ରମଣାତ୍ମକ କାର୍ଯ୍ୟାନୁଷ୍ଠାନ ପରେ, ପାକିସ୍ତାନ ଖସିଯିବା ପାଇଁ ଉପାୟ ଖୋଜିବା ଆରମ୍ଭ କଲା। ସାରା ବିଶ୍ୱରେ ଗୁହାରୀ ପାଇଁ ରାସ୍ତା ଖୋଜିଥିଲା। ନିର୍ମମ ଭାବେ ମାଡ଼ ଖାଇବା ପରେ, ପାକିସ୍ତାନୀ ସେନା ମେ ୧୦ ତାରିଖରେ DGMO ସହିତ ଯୋଗାଯୋଗ କରିଥିଲା। ସେତେବେଳକୁ ଆମେ ଆତଙ୍କବାଦର ଆଡ୍ଡାକୁ ଧ୍ୱଂସ କରିସାରିଥିଲୁ। ଆତଙ୍କୀ ଘାଟିଗୁଡ଼ିକୁ ଧ୍ୱଂସାବଶେଷରେ ପରିଣତ କରାଯାଇଥିଲା।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଆମେ ଆମର ସାମରିକ କାର୍ଯ୍ୟାନୁଷ୍ଠାନକୁ ସ୍ଥଗିତ ରଖିଛୁ। ଆଗାମୀ ଦିନରେ ଆମେ ପାକିସ୍ତାନର ମନୋଭାବ ଦେଖିବୁ ଏବଂ ତା'ପରେ ପରବର୍ତ୍ତୀ ନିଷ୍ପତ୍ତି ନିଆଯିବ। ପ୍ରଧାନମନ୍ତ୍ରୀ ମୋଦି କହିଛନ୍ତି, ଆମର ସେନା ନିରନ୍ତର ସଜାଗ ରହିଛି। ସେ କହିଥିଲେ ଯେ ଅପରେସନ ସିନ୍ଦୁର ହେଉଛି ଭାରତର ନୀତି। ଅପରେସନ ସିନ୍ଦୂର ଏହି ଲଢ଼େଇରେ ଏକ ନୂତନ ରେଖା ଟାଣିଛି।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଆମେ ଆମ ନିଜ ସର୍ତ୍ତରେ ଆତଙ୍କବାଦର ଜବାବ ଦେବୁ। ଭାରତ ପରମାଣୁ ବ୍ଲାକମେଲ୍ ଆତଙ୍କକୁ ସହ୍ୟ କରିବ ନାହିଁ। ଆମେ ଆତଙ୍କବାଦୀ-ପ୍ରାୟୋଜିତ ସରକାର ଏବଂ ଆତଙ୍କର ମାଲିକମାନଙ୍କୁ ପୃଥକ ସଂସ୍ଥା ଭାବେ ଦେଖିବୁ ନାହିଁ। ଆମେ ଭାରତ ଏବଂ ଆମର ନାଗରିକମାନଙ୍କୁ ଯେକୌଣସି ବିପଦରୁ ସୁରକ୍ଷା ଦେବା ପାଇଁ ପଦକ୍ଷେପ ନେବା ଜାରି ରଖିବୁ। ଅପରେସନ ସିନ୍ଦୂର ଏକ ନୂତନ ପରିମାଣ ଯୋଡ଼ିଛି।
ଅପରେସନ୍ ସିନ୍ଦୂର' ପରେ ଏହା ତାଙ୍କର ପ୍ରଥମ ଭାଷଣ। ପ୍ରଧାନମନ୍ତ୍ରୀଙ୍କ ଏହି ଅଭିଭାଷଣ ଭାରତ ଏବଂ ପାକିସ୍ତାନ ମଧ୍ୟରେ ସମସ୍ତ ପ୍ରକାରର ଗୁଳିମାଡ଼ ଏବଂ ସାମରିକ କାର୍ଯ୍ୟାନୁଷ୍ଠାନ ତୁରନ୍ତ ବନ୍ଦ କରିବା ପାଇଁ ଚୁକ୍ତିନାମା ସ୍ୱାକ୍ଷରିତ ହେବାର ଦୁଇ ଦିନ ପରେ ହେଉଛି। ପ୍ରାୟ ଚାରି ଦିନ ଧରି ଭାରତ-ପାକିସ୍ତାନ ସୀମାରେ ଉତ୍ତେଜନା ପରେ ଯୁଦ୍ଧବିରତି ହୋଇଥିଲା। ଏହି ଅପରେସନ୍ ସମୟରେ, ପ୍ରତିରକ୍ଷା ମନ୍ତ୍ରଣାଳୟ ଏବଂ ସରକାରୀ ପ୍ରତିନିଧିମାନେ ଆତଙ୍କବାଦ ବିରୋଧରେ ଲଢ଼ିବା ଉପରେ ସେମାନଙ୍କର ଧ୍ୟାନରେ ସ୍ଥିର ରହିଥିଲେ। ଯାହା ଭାରତକୁ ଗୁରୁତ୍ୱପୂର୍ଣ୍ଣ ଅନ୍ତର୍ଜାତୀୟ ସମର୍ଥନ ଆଣିଥିଲା। ଭାରତର ସାମରିକ କାର୍ଯ୍ୟାନୁଷ୍ଠାନ କେବଳ ଆତଙ୍କବାଦୀ ସଂଗଠନ କିମ୍ବା ପାକିସ୍ତାନୀ ସାମରିକ ପ୍ରତିଷ୍ଠାନକୁ ଟାର୍ଗେଟ କରିଥିଲା, ବାରମ୍ବାର ଉତ୍ତେଜନା ସତ୍ତ୍ୱେ ପାକିସ୍ତାନୀ ନାଗରିକଙ୍କ ଉପରେ କୌଣସି ଆକ୍ରମଣକୁ ଏଡ଼ାଇ ଦିଆଯାଇଥିଲା।