Posted at: Mar 08, 2025
Share:
କର୍ଣ୍ଣାଟକରେ ଇସ୍ରାଏଲ ପର୍ଯ୍ୟଟକଙ୍କୁ ଦୁଷ୍କର୍ମ, ନିଖୋଜ ଓଡ଼ିଆ ବ୍ୟକ୍ତିଙ୍କ ମିଳିଲା ମୃତଦେହ
ବେଙ୍ଗାଲୁରୁ: କର୍ଣ୍ଣାଟକ ଗଙ୍ଗାବତୀ ପର୍ଯ୍ୟଟକ ଆକ୍ରମଣ ମାମଲାରେ ନିଖୋଜ ଥିବା ଓଡ଼ିଆ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ଏକ ଦୁଷ୍କର୍ମ ଏବଂ ଆକ୍ରମଣ ମାମଲାରେ ୪୨ ବର୍ଷିୟ ବିବାସ ନାମକ ବ୍ୟକ୍ତି କେନାଲରେ ନିଖୋଜ ହୋଇଯାଇଥିଲେ।
ମଲ୍ଲପୁରର ବିଦ୍ୟୁତ୍ ଉତ୍ପାଦନ ୟୁନିଟ୍ ନିକଟରେ ଶନିବାର ସକାଳେ ବିବାସ ମୃତଦେହ ଠାବ ହୋଇଥିଲା । ପୋଲିସ, ଅଗ୍ନିଶମ ବାହିନୀ ଏବଂ ସ୍ଥାନୀୟ ବାସିନ୍ଦାଙ୍କ ସହାୟତାରେ ମୃତଦେହକୁ ଉଦ୍ଧାର କରାଯାଇଥିଲା । ପୋଷ୍ଟମର୍ଟମ ପରେ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୋଲିସ କହିଛି ।
ପୋଲିସ ଅଧିକାରୀଙ୍କ କହିବା ଅନୁଯାୟୀ, ଆମେରିକୀୟ ପର୍ଯ୍ୟଟକ ଡାନିଏଲ୍ ଏବଂ ଇସ୍ରାଏଲୀ ବଂଶୋଦ୍ଭବ ମହିଳା, କର୍ଣ୍ଣାଟକ ଗଙ୍ଗାବତୀ ତାଲୁକ ଆନେଗୋଣ୍ଡିରେ ଏକ ହୋମଷ୍ଟେ ମାଲିକାନା ମହିଳା, ମହାରାଷ୍ଟ୍ର ନାସିକର ପଙ୍କଜ ପଟେଲ ଏବଂ ଓଡ଼ିଶାର ବିବାସ ଏକାଠି ଛୁଟିରେ ଯାଇଥିଲେ । ଗୁରୁବାର ମଧ୍ୟରାତ୍ରିରେ ତିନି ଜଣ ଅଜ୍ଞାତ ଯୁବକ ଏହି ଗୋଷ୍ଠୀ ଉପରେ ଆକ୍ରମଣ କରିଥିଲେ । ଗଙ୍ଗାବତୀ ଗ୍ରାମୀଣ ପୋଲିସ ଷ୍ଟେସନରେ ରୁଜୁ ଅଭିଯୋଗ ଅନୁଯାୟୀ, ଏହି ଗୋଷ୍ଠୀର ପୁରୁଷଙ୍କ ଠାରୁ ଅଜ୍ଞାତ ଯୁବକମାନେ ଟଙ୍କା ଦାବି କରିବା ସହ ଦୁଇ ଜଣ ମହିଳାଙ୍କ ସହ ସେମାନେ ଦୁଷ୍କର୍ମ କରିବା ପରେ ନିକଟବର୍ତ୍ତୀ ତୁଙ୍ଗଭଦ୍ରା କେନାଲକୁ ଠେଲି ଦେଇଥ
ପୋଲିସ କହିଛି ଯେ, କେନାଲରେ ଠେଲି ଦିଆଯାଇଥିବା ଲୋକଙ୍କ ମଧ୍ୟରୁ ଡାନିଏଲ୍ ଏବଂ ପଙ୍କଜ ସୌଭାଗ୍ୟବଶତଃ ବିପଦରୁ ରକ୍ଷା ପାଇଯାଇଥିଲେ । ତେବେ ଓଡ଼ିଶାର ବିବାସ ନାମକ ବ୍ୟକ୍ତି କେନାଲରେ ନିଖୋଜ ଥିଲେ । ଶୁକ୍ରବାର ଦିନ ସାରା ଖୋଜାଖୋଜି କରିବା ସତ୍ତ୍ୱେ ତାଙ୍କର କୌଣସି ସନ୍ଧାନ ମିଳିନଥିଲା । ହେଲେ ଶନିବାର ସକାଳେ ମଲ୍ଲପୁରରେ ତାଙ୍କ ମୃତଦେହ ମିଳିଥିଲା ।
ୟୁନେସ୍କୋ ଐତିହ୍ୟ ସ୍ଥଳ ହାମ୍ପି ନିକଟରେ ଅବସ୍ଥିତ ଗଙ୍ଗାବତୀ ଗ୍ରାମୀଣ ପୋଲିସ ଷ୍ଟେସନରେ ଘଟିଛି ଏହି ଘଟଣା । ଅଭିଯୁକ୍ତମାନେ ଗୋଷ୍ଠୀର ମହିଳା ଦୁଇ ଜଣଙ୍କୁ ଟାର୍ଗେଟ କରିବା ପୂର୍ବରୁ ସାଙ୍ଗରେ ଥିବା ଅନ୍ୟ ତିନି ଜଣ ପୁରୁଷ ପର୍ଯ୍ୟଟକଙ୍କୁ ନିକଟସ୍ଥ କେନାଲ ମଧ୍ୟକୁ ଠେଲି ଦେଇଥିଲେ । ତେବେ ଶନିବାର ସକାଳେ ଗଙ୍ଗାବତୀ ସହର ନିକଟବର୍ତ୍ତୀ ସାନପୁରା ଗ୍ରାମ ନିକଟରେ ଥିବା ତୁଙ୍ଗଭଦ୍ରା ବାମ କେନାଲରେ ଓଡ଼ିଶାର ପର୍ଯ୍ୟଟକ ବିବାସଙ୍କ ମୃତଦେହ ମିଳିଥିଲା।
କୋପ୍ପାଲ ଜିଲ୍ଲା ପୋଲିସ ଅଧୀକ୍ଷକ ରାମ ଏଲ୍. ଆରାସିଦ୍ଦୀ କହିଛନ୍ତି, "ମୃତ ବ୍ୟକ୍ତିଙ୍କ ମୃତଦେହ ପରିବାରକୁ ହସ୍ତାନ୍ତର କରାଯିବ । ଅପରାଧ ଘଟାଇଥିବା ଅଭିଯୁକ୍ତଙ୍କ ବିଷୟରେ ଏକ ସୁରାକ ମିଳିଛି । ତିନି ଜଣ ଅଭିଯୁକ୍ତ ସ୍ଥାନୀୟ ଲୋକ । ପଳାତକ ଅଭିଯୁକ୍ତଙ୍କୁ ଖୁବ୍ ଶୀଘ୍ର ଗିରଫ କରାଯିବ।"
0 Comments