ଘଟଗାଁ( ତପନ ବେହେରା)- ସ୍ଥାନୀୟ ସରକାରୀ ତାରିଣୀ ବିଦ୍ୟାପୀଠ, ଘଟଗାଁ ପରିସରରେ ବ୍ଲକସ୍ତରୀୟ ଇକୋ-କ୍ଲବ ସମୂହ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି।
ତାରିଣୀ ବିଦ୍ୟାପୀଠ ଘଟଗାଁର ପ୍ରଧାନ ଶିକ୍ଷକ କେଶବ ଚନ୍ଦ୍ର ମିଶ୍ରଙ୍କ ପୌରୋହିତ୍ଯରେ ମୁଖ୍ୟ ଅତିଥି ରୂପେ ଗୋଷ୍ଠୀ ସହ ଶିକ୍ଷାଧିକାରୀ ସଞ୍ଜୟ କୁମାର ପଲେଇ, ମୁଖ୍ୟ ବକ୍ତା ରୂପେ ଘଟଗାଁ ବନ୍ୟାଞ୍ଚଳ ଅଧିକାରୀ ସରୋଜ କୁମାର ମିଶ୍ର, ସମ୍ମାନିତ ଅତିଥି ରୂପେ ଗୋଷ୍ଠୀ ସହ ଶିକ୍ଷାଧିକାରୀ ବେଣୁଧର ଆଚାର୍ଯ୍ୟ,ଦେଓବନ୍ଧ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ମନୋଜ କୁମାର ପଣ୍ଡା,ତରା ଗ୍ରାମ ପଞ୍ଚାୟତ ଉଚ୍ଚବିଦ୍ୟାଳୟ ର ପ୍ରଧାନ ଶିକ୍ଷକ ଜ୍ଞାନରଞ୍ଜନ ଦେଓ,ବିଚାରକ ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ନରୋତ୍ତମ ବାରିକ, ବାବୁଲାଲ ପଲେଇ, ରମେଶ ଚନ୍ଦ୍ର ମହାନ୍ତ ଯୋଗଦେଇ ଇକୋ - କ୍ଲବ ସମୂହ ପ୍ରଦର୍ଶନୀର ଲକ୍ଷ୍ୟ ଓ ଆଭିମୁଖ୍ୟ ସଂପର୍କରେ ଆଲୋକପାତ କରିବା ସହିତ ଆମ ପରିବେଶର ସ୍ଥିତି, ଅବସ୍ଥିତି ଏବଂ ଭବିଷ୍ୟତରେ ଭୟଙ୍କର ପରିସ୍ଥିତି ଉପୁଜିବାର ଆଶଙ୍କା ସଂପର୍କରେ ଆଲୋଚନା କରି ଏବେଠାରୁ ସତର୍କ ରହିବା ପାଇଁ ଛାତ୍ର ଛାତ୍ରୀ ମାନଙ୍କୁ ବକ୍ତବ୍ୟ ମାଧ୍ୟମରେ ପରାମର୍ଶ ଦେଇଥିଲେ।ପ୍ରଥମେ ମୁଖ୍ଯ ଅତିଥି ଶ୍ରୀଯୁକ୍ତ ପଲେଇ ଫିତା କାଟି ଇକୋ କ୍ଲବ୍ ସମୂହ
ପ୍ରଦର୍ଶନୀ କୁ ଉଦଘାଟନ କରିଥିଲା ବେଳେ ମା ତାରିଣୀଙ୍କ ଫଟୋ ଚିତ୍ରରେ ଅତିଥି ମାନଙ୍କ ଦ୍ୱାରା ଧୂପ ଦୀପ ପ୍ରଜ୍ବଳନ କରି ସଭା କାର୍ଯ୍ଯ ଆରମ୍ଭ କରାଯାଇଥିଲା। ଉକ୍ତ ପ୍ରଦର୍ଶନୀରେ ବ୍ଲକର ବିଭିନ୍ନ ବିଦ୍ୟାଳୟରୁ ଛାତ୍ରଛାତ୍ରୀ ଓ ଗାଇଡ୍ ଶିକ୍ଷକଙ୍କ ଦ୍ବାରା ପ୍ରସ୍ତୁତ ତିରିଶ ରୁ ଉର୍ଦ୍ଧ୍ୱ ଷ୍ଟଲ ଦେଖିବାକୁ ମିଳିଥିଲା । ବ୍ଲକସ୍ତରୀୟ ଇକୋ-କ୍ଲବ ପ୍ରତିଯୋଗୀତାରେ ପ୍ରଥମ ସ୍ଥାନରେ ବଡଜାମୁପଶି ଗ୍ରା ପ ଉଚ୍ଚ ବିଦ୍ୟାଳୟର ଛାତ୍ର ଜିତ ଜୟପ୍ରକାଶ ପଲେଇ, ଦ୍ବିତୀୟ ସ୍ଥାନରେ ସତ୍ୟନାରାୟଣ ବିଦ୍ୟାପୀଠ ଢେଙ୍କିକୋଟ ର ଛାତ୍ର ଶୁଭାଶିଷ ମହାନ୍ତ ଏବଂ ତୃତୀୟ ସ୍ଥାନରେ ରାଧାକୃଷ୍ଣ ବିଦ୍ୟାପୀଠ କୁଣ୍ଡାପିଠାର ଛାତ୍ରୀ ବର୍ଷା ବାହାଦୁର ଯୋଗ୍ୟ ବିବେଚିତ ହୋଇ ଅତିଥି ମାନଙ୍କ ଦ୍ୱାରା ପ୍ରମାଣ ପତ୍ର ଓ ଆର୍ଥିକ ପୁରସ୍କାର ଗ୍ରହଣ କରିଥିଲେ। ବିଦ୍ୟାଳୟର ପ୍ରଜ୍ଞା ପରମିତା ପାଢୀ ପରିଚାଳନା କରିଥିବା ବେଳେ ପ୍ରାରମ୍ଭିକ ସୂଚନା ଓ ସ୍ବାଗତ ପ୍ରଦାନ କରିଥିଲେ ଶିକ୍ଷୟିତ୍ରୀ ସସ୍ମିତା ରଥ । ଧନ୍ୟବାଦ୍ ଅର୍ପଣ କରିଥିଲେ ଶିକ୍ଷୟିତ୍ରୀ ସସ୍ମିତା ରାଣୀ ପଣ୍ଡା ଏବଂ ପୁଷ୍ପିତା ବିଶ୍ବାଳ , ମମିତାମଣୀ ନାୟକ,ଦୁଲାରୀ ମାଝୀ, କବିତା ମଞ୍ଜରୀ ସାହୁ, ସୁନୀତା ଜେନା, ଫକୀର ଚରଣ ସାହୁ ଓ ସାଗରିକା ସାହୁ ସଭା ପରିଚାଳନାରେ ସହଯୋଗ କରିଥିଲେ।