Posted at: Mar 29, 2025
Share:
ଓଡ଼ିଶା ଆସୁଛନ୍ତି ନଡ୍ଡା, ଘୋଷଣା ହେବ ରାଜ୍ୟ ବିଜେପି ସଭାପତିଙ୍କ ନାଁ !
ଭୁବନେଶ୍ବର: ଓଡ଼ିଶା ଆସୁଛନ୍ତି ନଡ୍ଡା । ଆସନ୍ତା ଏପ୍ରିଲ ୧୨ ତାରିଖରେ ଓଡ଼ିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡା । ଏନେଇ ସୂଚନା ଦେଇଛନ୍ତି ବିଜେପି ସାଂସଦ ସୁକାନ୍ତ ପାଣିଗ୍ରାହୀଙ୍କ । ବିଭିନ୍ନ ସରକାରୀ ପ୍ରକଳ୍ପର ଉଦଘାଟନ କରିବା ସହ ବିଜେପିର ସାଙ୍ଗଠନିକ କାର୍ଯ୍ୟକ୍ରମରେ ଯୋଗ ଦେବେ ବ
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଓଡ଼ିଶା ଗସ୍ତ ଖବର ଶୁଣି ବିଜେପି ନେତା ଏବଂ କର୍ମୀଙ୍କ ମନରେ ଉତ୍ସାହ ଦେଖାଦେଇଛି । ବିଜେପି ସାଂସଦ ସୁକାନ୍ତ ପାଣିଗ୍ରାହୀ କହିଛନ୍ତି,"ଆସନ୍ତା ଏପ୍ରିଲ ୧୨ ତାରିଖରେ ଓଡ଼ିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡା । ସେ ବିଭିନ୍ନ ସରକାରୀ ପ୍ରକଳ୍ପର ଉଦଘାଟନ କରିବା ସହ ଦଳୀୟ ସାଙ୍ଗଠନିକ କାର୍ଯ୍ୟକ୍ରମରେ ଯୋଗ ଦେବେ ।"ସେପଟେ ବିଜେପିର ରାଷ୍ଟ୍ରୀୟ ମହାମନ୍ତ୍ରୀ ବିଏଲ ସନ୍ତୋଷ ରାଜ୍ୟ ବିଜେପି ନେତୃତ୍ଵଙ୍କ ସହ କରିଛନ୍ତି ଆଲୋଚନା । କିଏ ହେବେ ବିଜେପିର ରାଜ୍ୟ ସଭାପତି ? ତାକୁ ନେଇ ଦୁଇ ଦିନିଆ ଓଡିଶା ଗସ୍ତ ସମୟରେ ରାଜ୍ୟ ବିଜେପି ସଭାପତି ମନମୋହନ ସାମଲ, ରାଜ୍ୟ ସଙ୍ଗଠନ ମହାମନ୍ତ୍ରୀ ମାନସ ମହାନ୍ତିଙ୍କ ସହ କରିଛନ୍ତି ରୁଦ୍ଧଦ୍ଵାର ବୈଠକ ।
ଏପ୍ରିଲ ୧୪ ତାରିଖ ପରେ ରାଜ୍ୟ ବିଜେପି ସଭାପତିଙ୍କ ନାଁ ଘୋଷଣା ହୋଇପାରେ । ପ୍ରଥମେ ଘୋଷଣା ହୋଇପାରେ ବିଜେପି ରାଷ୍ଟ୍ରୀୟ ସଭାପତି ଏବଂ ଏହାପରେ ଓଡିଶା ବିଜେପି ରାଜ୍ୟ ସଭାପତିଙ୍କ ନାଁ ଘୋଷଣ ହୋଇପାରେ । ଦଳୀୟ ସୂତ୍ରରୁ ମିଳିଥିବା ସୂଚନା ଆଧାରରେ ଏପ୍ରିଲ ୧୦ ତାରିଖ ସୁଦ୍ଧା ହୋଇପାରେ ରାଜ୍ୟ ବିଜେପି ସଭାପତି ଚୟନ । ରେସରେ ଆନେକ ନେତାଙ୍କ ଭିତରେ ମନମୋହନ ସାମଲଙ୍କ ନାଁ ଆଗରେ ରହିଥିବା ଜଣାପଡ଼ିଛି । ଆଜି ବିଜେପି ରାଜ୍ୟ କାର୍ଯ୍ୟାଳୟର ଏହାକୁ ନେଇ ବସିଛି ବୈଠକ । ବିଜେପି ରାଜ୍ୟ ପ୍ରଭାରୀ ବିଜୟ ପାଲ ସିଂ ତୋମାର, ସହ ପ୍ରଭାରୀ ଲତା ଉସେଣ୍ଡି, ବିଜେପି ରାଜ୍ୟ ସଭାପତି ମନମୋହନ ସାମଲ ପ୍ରମୁଖ ଉପସ୍ଥିତ ରହିଥିଲେ । ଘନ ଘନ ବସୁଛି ରୁଦ୍ଧଦ୍ୱାର ବୈଠକ । ସଭାପତି ଘୋଷଣା ପରେ ନିଗମ, ଅଧ୍ୟକ୍ଷ ଘୋଷଣା ହେବ । ସରକାରକୁ 10 ମାସ ବିତିବାକୁ ବସିଲାଣି ହେଲେ ନିଗମ ଅଧ୍ୟକ୍ଷ ନିଯୁକ୍ତ ହୋଇପାରୁନାହିଁ । ଯାହାକୁ ନେଇ ବିରୋଧୀ ବାରମ୍ବାର ସମାଲୋଚନା କରୁଛନ୍ତି ।
0 Comments